Leikskólinn Holtaborg tilheyrir Laugardalshverfi í austurbæ Reykjavíkur og stendur við Sólheima 21. Leikskólinn tók fyrst til starfa árið 1965 í húsnæði K.F.U.M og K. við Holtaveg en flutti í núverandi húsnæði í september 1969. Í Holtaborg eru fjórar deildir sem heita Bláa deild, Rauða deild, Gula deild og Græna deild, hér dvelja að jafnaði 65 börn samtímis.

Barnahópnum er skipt eftir aldri og eru börnin 1- 2 ár á hverri deild. Starf hverrar deildar mótast af þroska barnanna og aldri og markmiðin færast frá hinu einfalda til hins flókna. Mikil virðing er borin fyrir leik barnanna og starf leikskólans miðar að því að vernda frjálsa leikinn og hlúa að honum. Markmið okkar er að héðan fari hæfir einstaklingar sem eru skapandi í hugsun og athöfnum og hafi sjálfstraust til að sýna það.