Í leikskólanum er ekki tekið á móti veiku barni og er það gert bæði vegna barnsins og hættu á smiti fyrir önnur börn. Nauðsynlegt er að barnið jafni sig vel á veikindum sínum og sé heima a.m.k. einn dag hitalaust áður en það mætir í leikskólann. Við mælumst til þess að veikindi barns séu tilkynnt í síma 553-1440. Börnum eru ekki gefin lyf í leikskólanum nema brýna nauðsyn beri til. Eftir veikindi geta börnin fengið að vera inni í einn til tvo daga í samráði við deildarstjóra hverrar deildar.

Afmæli barnanna eru haldin hátíðleg. Afmælisbarnið má bjóða börnunum á deildinni sinni upp á veitingar, þó ekki sælgæti, og fær afmæliskórónu í veislunni. Barnið velur sér „afmælisborðbúnað" sem er geymdur í sérstökum skáp og íslenski fáninn skreytir borðið. Afmælissöngurinn er sungin og allir í leikskólanum eru meðvitaðir um afmæli barnsins.