Ágætu foreldrar.

    Undanfarnar vikur hafa verið mikil forföll á Grænu deildinni. En nú eru allir að hressast og vel mætt hjá okkur.

    Við erum svolítið að vinna með Þorrann; búa til Þorrahatta, syngja lög sem eiga vel við á Þorranum og á föstudaginn verður Þorramatur hjá okkur.

    Á fimmtudaginn koma krakkar úr Langholtsskóla að heimsækja okkur.

    Næsta vika er tannverndarvika. Þá fræðumst við um tennurnar okkar, en við erum svo heppin á Grænu deildinni að Helga okkar er tannfræðingur og Anna Gréta á Rauðu deildinni er tanntæknir, þannig að það er mikil þekking á tönnum hér í Langholti.

   Fimmtudaginn 2. febrúar förum við í skólaheimsókn í Langholtsskóla. Við leggjum af stað úr húsi klukkan 9:30.

   Fimmtudaginn 9. febrúar förum við í Kópavoginn. Við byrjum á Gerðarsafni, þar sem Guðrún Helga verður með leiðsögn um safnið. Næst förum við á Bókasafn Kópavogs, þar sem Erla Sigurðardóttir myndlistarmaður ætlar að fara með okkur um sýningu á myndum sínum úr barnabókum. Síðan leiðir Inga barnabókavörður okkur um safnið. Við borðum líka hádegismatinn okkar í bókasafninu. Við endum á að heimsækja Náttúrfræðistofu Kópavogs. Við leggjum af stað úr húsi kl. 9:30 og áætluð heimkoma er ekki seinna en 15:00.

   Og að lokum: Á einhver myndina Pappírspésa?

    Bestu kveðjur,

       Græna :)

Þorrablót

Föstudaginn 27. janúar ætlum við að blóta Þorra í leikskólanum Langholti með söng og þorramat. Börnin skarta höfuðfötum sem þau búa sjálf til og gaman væri ef þau koma klædd einhverri lopaflík, t.d. lopasokkum eða lopapeysu.